Lleoliad y cyfarfod:
Y Siambr - Y Senedd
Dyddiad y
cyfarfod:
Dydd Mercher,
16 Mehefin 2021
Amser y
cyfarfod: 12.30
Gellir gwylio’r cyfarfod ar Senedd TV yn:
http://senedd.tv/cy/12309
------
Cynhaliwyd y cyfarfod hwn ar ffurf hybrid, gyda rhai Aelodau yn Siambr y Senedd ac eraill yn ymuno drwy gyswllt fideo.
1 Cwestiynau i’r Gweinidog Newid Hinsawdd
Dechreuodd yr eitem am 12.30
Gofynnwyd y 5 cwestiwn cyntaf. Atebwyd cwestiynau 3 a 4 gan y Dirprwy Weinidog Newid Hinsawdd. Gwahoddodd y Llywydd lefarwyr y pleidiau i ofyn cwestiynau i’r Gweinidog ar ôl cwestiwn 2.
2 Cwestiynau i Weinidog y Gymraeg ac Addysg
Dechreuodd yr eitem am 13.24
Gofynnwyd yr 8 cwestiwn cyntaf. Cafodd cwestiwn 2 ei drosglwyddo ar gyfer ateb ysgrifenedig gan y Gweinidog Iechyd a Gwasanaethau Cymdeithasol. Gwahoddodd y Llywydd lefarwyr y pleidiau i ofyn cwestiynau i’r Gweinidog ar ôl cwestiwn 3.
3 Datganiad gan y Dirprwy Weinidog Newid Hinsawdd: Newid yn yr Hinsawdd
Dechreuodd yr eitem am 14.03
Yn unol â Rheol Sefydlog 12.18, am 14.40 cafodd y cyfarfod ei atal dros dro gan y Llywydd.
4 Cwestiynau Amserol
Ni dderbyniwyd unrhyw Gwestiynau Amserol
5 Datganiadau 90 Eiliad
Dechreuodd yr eitem am 14.49
Gwnaeth Vikki Howells (Cwm Cynon) ddatganiad am - 100 mlynedd o gân – Côr Cwmbach yn dathlu ei ganmlwyddiant.
Gwnaeth Sioned Williams (Gorllewin De Cymru) ddatganiad am – Wythnos Ffoaduriaid.
Gwnaeth Natasha Asghar (Dwyrain De Cymru) ddatganiad am – Nodi blwyddyn ers marwolaeth Mohammad Asghar AS.
6 Dadl y Ceidwadwyr Cymreig - Chwaraeon
Dechreuodd yr eitem am 14.55
Gohiriwyd y bleidlais ar y cynnig a’r gwelliannau o dan yr eitem hon tan y Cyfnod Pleidleisio.
Cynhaliwyd pleidlais ar y cynnig heb ei ddiwygio:
NDM7712 Darren Millar (Gorllewin Clwyd)
Cynnig bod y Senedd:
1. Yn cydnabod y twf a'r diddordeb mewn timau chwaraeon Cymru ar y llwyfan rhyngwladol.
2. Yn credu y dylai Llywodraeth Cymru adeiladu ar gyflawniadau chwaraeon diweddar Cymru drwy weithio gyda Llywodraeth y DU i ddenu digwyddiadau chwaraeon mawr i Gymru, gan gydnabod manteision sylweddol digwyddiadau o'r fath i economi Cymru ac adfywio cymunedau lleol.
3. Yn galw ymhellach ar Lywodraeth Cymru i ysbrydoli'r genhedlaeth nesaf o ragoriaeth mewn chwaraeon, a hyrwyddo cyfranogiad mewn chwaraeon i wella lles meddyliol a chorfforol pobl drwy:
a) sefydlu cronfa ar gyfer talent o Gymru ym maes chwaraeon i gefnogi athletwyr talentog o Gymru i lwyddo ar lwyfan y byd;
b) creu cronfa bownsio yn ôl ar gyfer chwaraeon cymunedol i helpu clybiau cymunedol i ailadeiladu yn dilyn pandemig COVID-19;
c) gwella mynediad i gyfleusterau chwaraeon gan gynnwys sefydlu rhwydwaith mwy o gaeau synthetig 3G a 4G ledled Cymru;
d) cyflwyno rhwydwaith o lysgenhadon chwaraeon o Gymru i annog pobl ifanc i gymryd rhan mewn chwaraeon a gweithgareddau corfforol eraill;
e) galluogi pobl ifanc yng Nghymru i gael mynediad am ddim i gampfeydd awdurdodau lleol a chanolfannau hamdden.
|
O blaid |
Ymatal |
Yn erbyn |
Cyfanswm |
|
16 |
0 |
40 |
56 |
Gwrthodwyd y cynnig heb ei ddiwygio.
Cyflwynwyd y gwelliannau a ganlyn:
Gwelliant 1 Lesley Griffiths (Wrecsam)
Dileu popeth a rhoi yn ei le:
Cynnig bod y Senedd:
1. Yn croesawu ymrwymiad Llywodraeth Cymru i:
a) hyrwyddo llwyddiannau ym maes chwaraeon yng Nghymru, hyrwyddo creadigrwydd a gallu ein pobl ifanc ym maes chwaraeon a galluogi ein diwydiant chwaraeon i gynnal ei enw da ar y llwyfan byd-eang;
b) buddsoddi yn ein cyfleusterau chwaraeon o’r radd flaenaf, hyrwyddo mynediad cyfartal at chwaraeon a chefnogi athletwyr ifanc a dawnus a chlybiau llawr gwlad;
c) buddsoddi mewn cyfleusterau newydd fel caeau artiffisial 3G.
2. Yn cydnabod hanes llwyddiannus Llywodraeth Cymru o ddenu digwyddiadau uchel eu proffil yn y maes diwylliannol, busnes a chwaraeon i Gymru.
3. Yn ymuno â Llywodraeth Cymru wrth ddymuno pob lwc i dîm pêl-droed hŷn Cymru yng ngemau eraill y Pencampwriaethau Ewropeaidd.
Cynhaliwyd pleidlais ar welliant 1:
|
O blaid |
Ymatal |
Yn erbyn |
Cyfanswm |
|
29 |
15 |
12 |
56 |
Derbyniwyd gwelliant 1.
Gan fod gwelliant 1 wedi ei dderbyn, cafodd gwelliannau 2 a 3 eu dad-ddethol
Cynhaliwyd pleidlais ar y cynnig fel y’i diwygiwyd:
NDM7712 Darren Millar (Gorllewin Clwyd)
Cynnig bod y Senedd:
1. Yn croesawu ymrwymiad Llywodraeth Cymru i:
a) hyrwyddo llwyddiannau ym maes chwaraeon yng Nghymru, hyrwyddo creadigrwydd a gallu ein pobl ifanc ym maes chwaraeon a galluogi ein diwydiant chwaraeon i gynnal ei enw da ar y llwyfan byd-eang;
b) buddsoddi yn ein cyfleusterau chwaraeon o’r radd flaenaf, hyrwyddo mynediad cyfartal at chwaraeon a chefnogi athletwyr ifanc a dawnus a chlybiau llawr gwlad;
c) buddsoddi mewn cyfleusterau newydd fel caeau artiffisial 3G.
2. Yn cydnabod hanes llwyddiannus Llywodraeth Cymru o ddenu digwyddiadau uchel eu proffil yn y maes diwylliannol, busnes a chwaraeon i Gymru.
3. Yn ymuno â Llywodraeth Cymru wrth ddymuno pob lwc i dîm pêl-droed hŷn Cymru yng ngemau eraill y Pencampwriaethau Ewropeaidd.
|
O blaid |
Ymatal |
Yn erbyn |
Cyfanswm |
|
42 |
14 |
0 |
56 |
Derbyniwyd y cynnig fel y’i diwygiwyd.
Yn unol â Rheol Sefydlog 12.18, am 15.48 cafodd y cyfarfod ei atal dros dro gan y LLywydd.
7 Dadl Plaid Cymru - Polisi tai
Dechreuodd yr eitem am 15.56
NDM7711 Sian Gwenllian (Arfon)
Cynnig bod y Senedd:
Yn galw ar Lywodraeth Cymru i weithredu yn ddi-oed i fynd i’r afael â’r argyfwng tai.
Derbyniwyd y cynnig yn unol â Rheol Sefydlog 12.36.
8 Cyfnod pleidleisio
Yn unol â Rheol Sefydlog 12.18, am 16.55 cafodd y trafodion eu hatal dros dro i ganiatáu egwyl dechnegol cyn y Cyfnod Pleidleisio.
Dechreuodd yr eitem am 17.00
9 Dadl Fer – Gohiriwyd tan ddydd Mercher 23 Mehefin 2021
Crynodeb o Bleidleisiau
Daeth y cyfarfod i ben am 17.02
Cynhelir Cyfarfod Llawn nesaf y Senedd am 13.30, Dydd Mawrth, 22 Mehefin 2021